ISS HAFTE KA YADGAAR SCENE (SHIKSHA)

Movie - Deewar

Dir- Yash Chopra

*ing- Amitabh Bachhan, Sashi Kapoor, Parveen Babi, Neetu Singh, Nirupa Roy

Ravi: Namaste.

Shikshak: Namaste!

Ravi: Kya.. Kya mein andar aa sakta hun?

Shikshak: Haan... aayye..andar aayye...maaf kijiye maine aapko pehchana nahin.

Ravi: Ji aap mujhse pehle kabhi nahin mile.

Shikshak: To aap chander ke dost honge

Ravi: Aap chander ke pitaah hai?

Shikshak: Bhaiyaa.. wo chander to is waqt hai nahin ghar me..

Ravi: Main jaanta hoon.. main jaanta hoon wo aspataal me hai, police ki hirasat me. Agar ...aap bura naa mane to main ye thoda kuchh laaya tha

Shikshak: Ye kya hai? Bhai ye... aapne bataya nahin ke aap kaun hai?

Ravi: Ji main.. main wahi police inspector hoon jisne aapke bete par goli chaliyee.

Shikshak's wife: Chale jaao...le jaao..nahin chaiye...ye tumhara khana...ye tumhari bheekh. Nikal jaao mere ghar se.

Shikshak: Ye tum kya keh rahi ho.

Wife: (To Ravi) Bade aaye kanoon waale.. bahut insaaf karte ho..arre kya bas bhukhe nango ko marne ka insaaf hai tumhara.. kya kiya tha mere bete ne...apne bhookhe maa baap ke liye roti churiyee thi... ye hi naa.. arre bade kannon waale bante ho to jao unhe goli maaro jinhone aapne godamno me aanaj bhar rakha hai.. bade insaaf waale bante ho to jao unhe goli maro jo duniyaa bhar ke kaale dhandhe karte hai...main jaanti hoon..unhe koi kuchh nahin kahegaa...bas humko goli mari jaati hai..nikal jao...nikal jaao mere ghar se tum..nikal jao..nikal jao..nikal jao.

Shikshak: Main behad maafi chahta hoon. Meri biwi ek anpadh aurat hai pataa nahin kya kya bol gayee. Lekin mujhe aapse koi shikayat nahin. Appne jo kiya theek kiya. Arre bhai chori to har haal me chori hoti hai chahe ek pasie kio ho yaa ek lakh ki. Waise chander aisa ladka hai to nahin. Shaayad humari bhookh bardasht nahin kar paaya hoga. Lekin waise dekha jaaye to hindustan me lakhon log bhookh se marte hai to kya sare chori karne lag jaaye. Bhai hume aap se koi shikayat nahin.. aap ne jo kiyaa theek kiyaa.

Ravi: Aap... karte kya hai aap?

Shikshak: Hmm? Bhai main municipal school me teacher tha. Pechle saal retire hua hoon. Aaj kal kuchh tution kar leta hoon.

Ravi: ITNI BAADI SHIKSHA TO KISI SHIKSHAK KE GHAR SE HI MIL SAKTI THI!